Kuvendi i Komunës së Prishtinës ka njoftuar për anulimin e një aktiviteti të prokurimit publik që lidhet me projektin e ndërtimit të sheshit “Xhorxh Bush”, dhe punët e pa parapara, shkruan IndeksOnline.
Sipas njoftimit zyrtar, për këtë tender është pranuar vetëm një ofertë. Megjithatë, oferta e vetme e dorëzuar është vlerësuar si e papërgjegjshme, duke bërë të pamundur vazhdimin e procedurës.
Autoriteti kontraktues ka theksuar se anulimi është bërë në përputhje me dispozitat e Ligjit për Prokurimin Publik, të cilat kërkojnë ndërprerjen e aktivitetit në raste të tilla.
Vlera e parashikuar e kontratës për këtë projekt ishte 80,000 euro.