Radio Dodona

Kuvendi njofton se në mbledhjen e Komisionit për Legjislacion është formuar grupi punues për shqyrtim të aplikacioneve për anëtarë të KGJK

Radio Dodona Mar 30, 2026 Pa Komente

Kuvendi i Kosovës ka njoftuar se është mbajtur mbledhja e radhës e Komisionit për Legjislacion.

Në njoftim thuhet se në këtë mbledhje u formua grupi punues për shqyrtimin e aplikacioneve të kandidatëve për anëtarë të Këshillit Gjyqësor të Kosovës.

“Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë Kundër Korrupsionit, mbajti mbledhjen e radhës, kryesuar nga Përparim Gruda, kryetar”.

Nagavci: Kosova ka nevojë për të dhëna institucionale të sakta për luftën e fundit

Radio Dodona Mar 30, 2026 Pa Komente

Shefja e Grupit Parlamentar të Lëvizjes Vetëvendosje, Arbërie Nagavci, ka komentuar lidhur me ekspozitën për masakrat e luftës së fundit në Kosovë, duke theksuar rëndësinë e të dhënave institucionale të besueshme.

“Shprehim solidaritetin dhe bashkëndjejmë me familjarët e viktimave, por gjithashtu kjo situatë tregon se akoma na duhet punë që të kemi të dhëna të sakta dhe institucionale”, tha Nagavci.

Ajo shtoi se gjatë vizitës së ekspozitës së bashku me kryekuvendaren Albulena Haxhiu, diskutuan rëndësinë e saktësisë së të dhënave dhe përparimin që ka sjellë funksionalizimi i Institutit të krimeve të kryera gjatë luftës.

“Është e rëndësishme që të kemi të dhëna të sakta, dhe fatmirësisht tashmë kemi Institutin e krimeve të kryera gjatë luftës së fundit, i cili u miratua dhe u funksionalizua gjatë qeverisë Kurti”, përfundoi ajo.

Parashikimi i motit (30 mars – 03 prill 2026) Sipas IHMK

Radio Dodona Mar 30, 2026 Pa Komente

Java e ardhshme parashihet të jetë kryesisht e vranët dhe me reshje shiu në gjithë territorin e vendit. 🌧️
👉 Të mërkurën dhe të enjten reshjet priten të jenë më intensive, ndërsa ditët e tjera do të dominohen nga vranësira me reshje më të dobëta.
🌱 Agrometeorologjia
Këto kushte konsiderohen të favorshme për bujqësinë:
• 🌡️ Nuk priten temperatura negative (pa rrezik ngricash)
• 💧 Lagështia ndihmon tokën dhe rritjen e bimëve
• 🌿 Krijohen kushte të mira për kulturat pranverore
👨‍🌾 Këshillë për bujqit:
Shfrytëzoni këtë periudhë për:
• punimin e tokës
• mbjellje të reja
• kujdes për bimët (sidomos pemët)

📅 Parashikimi ditor

🌥️ E hënë
• 🌡️ Min: 3–5°C | Max: 6–9°C
• 🌧️ Vranët, vende-vende me riga shiu
• 🌬️ Erë nga verilindja: 1–8 m/s

☁️ E martë

• 🌡️ Min: 1–3°C | Max: 6–9°C
• 🌧️ Vranët, vende-vende me riga shiu
• 🌬️ Erë nga veriperëndimi: 1–7 m/s

🌧️ E mërkurë
• 🌡️ Min: 1–4°C | Max: 5–7°C
• 🌧️ Vranët me reshje shiu
• 🌬️ Erë nga veriperëndimi: 1–8 m/s

🌧️ E enjte
• 🌡️ Min: 1–4°C | Max: 7–9°C
• 🌧️ Vranët me reshje shiu
• 🌬️ Erë nga veriperëndimi: 1–9 m/s

🌦️ E premte
• 🌡️ Min: 1–4°C | Max: 8–11°C
• 🌧️ Vranët me riga shiu
• 🌬️ Erë nga verilindja: 1–7 m/s

Lushaku: Nëse VV-së i mungon vullneti për një marrëveshje, LDK e gatshme për zgjedhje të reja

Radio Dodona Mar 30, 2026 Pa Komente

Shefja e Grupit Parlamentar të LDK-së, Jehona Lushaku, tha se, nëse VV-së i mungon vullneti për një marrëveshje, LDK-ja është e gatshme për zgjedhje të reja.

Lushaku theksoi se partia e saj e pranon vendimin e Gjykatës Kushtetuese dhe do të vazhdojë të mbajë qasje bashkëpunuese në dialogun politik për zgjedhjen e presidentit.

“Ne tani jemi në një situatë të re, ku Gjykata Kushtetuese ka dhënë interpretimin e saj dhe ka dhënë sqarime për disa pika, dhe ne, si parti, e kemi pranuar vendimin si të tillë dhe vazhdojmë qasjen tonë, ashtu si para vendimit, që të jemi bashkëpunues dhe të marrim pjesë në dialog. Është tepër e rëndësishme që në këtë fazë Kosovës t’i jepen institucione funksionale dhe të mos cenohet për asnjë çast funksionaliteti i shtetit tonë. Ne do të japim kontributin tonë për aq sa është përgjegjësia jonë, por nuk duhet harruar se përgjegjësinë kryesore e bart partia më e madhe, që ka numrin më të madh të deputetëve dhe pa të cilën nuk mund të zgjidhet presidenti”.

“Prandaj, nëse vullneti i tyre është që të ketë një zgjidhje, do të kemi. Nëse jo, Kosovës i mbetet të shkojë drejt zgjedhjeve, për çka LDK-ja është e gatshme, e bashkuar dhe unike për të shkuar drejt zgjedhjeve. Qytetarët kanë votuar që VV ta ketë qeverisjen, por jo edhe presidentin”, tha ajo.