Kosova mban stërvitjen e fundit para nisjes për në Bazel
Radio Dodona Kombëtarja e Kosovës sot ka mbajtur seancën e fundit stërvitore para nisjes për në Bazel të Zvicrës.
Atmosferë fantastike në grupin e “dardanëve” para ndeshjes së rëndësishme,
Radio Dodona
Putin falënderon Jong Un-in për luftën e koreanëve në Ukrainë
Presidenti i Rusisë, Vladimir Putin, e ka falënderuar Kim Jong Unin për guximin e trupave të tij që kanë luftuar në Ukrainë, në anën ruse.
Të dy udhëheqësit u takuan të mërkurën në Pekin, ndërsa Kina mbajti një nga paradat më të mëdha ushtarake të të gjitha kohërave, e cila përkujtoi 80 vjetorin e përfundimit të Luftës së Dytë Botërore në Azi, shkruan BBC.
Kjo shënoi herën e parë që udhëheqësi i Koresë së Veriut merr pjesë në një takim ndërkombëtar të liderëve botërorë. Ai rrallë largohet nga Koreja e Veriut dhe zakonisht takohet vetëm me udhëheqës kokë më kokë.
Putin tha se marrëdhëniet dypalëshe midis Rusisë dhe Koresë së Veriut janë miqësore dhe se ushtria e Phenianit ndihmoi në çlirimin e rajonit Kursk.
“Ushtarët tuaj luftuan me guxim dhe heroizëm”, i tha Putin Kim-it gjatë bisedimeve të së mërkurës.
“Dua të theksoj se nuk do t’i harrojmë kurrë sakrificat që kanë pësuar forcat tuaja të armatosura dhe familjet e ushtarakëve tuaj.”
Kim shprehu mirënjohjen e tij për njohjen e udhëheqësit rus dhe tha se marrëdhëniet dypalëshe midis dy vendeve kishin “përparuar në të gjitha fushat”.
“Nëse ka ndonjë mënyrë për të ndihmuar Rusinë, sigurisht që do ta bëjmë si një detyrë vëllazërore.”
Nesër tërhiqet shorti për renditjen e partive në fletëvotimet e zgjedhjeve të 12 tetorit
KQZ ka njoftuar se nesër në ora 11:00 do të bëhet tërheqja e shortit për renditjen e subjekteve politike të certifikuara në fletëvotimet e zgjedhjeve lokale.
“Ju njoftoj se Komisioni Qendror i Zgjedhjeve organizon tërheqjen e shortit për renditjen e subjekteve politike të certifikuara në fletëvotimet e Zgjedhjeve Lokale për Kryetarë të Komunave dhe për Kuvende Komunale, të cilat do të mbahen më 12 tetor 2025. Datë: 4 shtator 2025. Ora: 11:00. Vendi: “Sëiss Diamond”, Prishtinë”, thuhet në njoftim.
Autoritetet turke urdhërojnë arrestime të reja të zyrtarëve të opozitës
Autoritetet turke urdhëruan të mërkurën ndalimin e shtatë zyrtarëve nga bashkitë e drejtuara nga opozita në Stamboll, tha transmetuesi NTV.
Ndalimet vijnë pas shkarkimit të kryetarit të provincës së Stambollit të Partisë Republikane Popullore (CHP) kryesore të opozitës, Ozgur Celik, nga një gjykatë të martën për shkak të parregullsive të dyshuara në një kongres provincial të CHP-së në vitin 2023.
Policia turke arrestoi pesë punonjës nga Besiktas dhe dy nga Avcilar – dy bashki të Stambollit – të mërkurën, raportoi NTV.
Të arrestuarist e sotëm janë në mesin e 15 kryetarëve të bashkive të burgosur si pjesë e një hetimi të gjerë për korrupsion. Kryetari i bashkisë së Stambollit, Ekrem Imamoglu, rivali kryesor politik i Erdogan, është arrestuar gjithashtur, shkruan Reuters
“Është vështirë të luash në Zvicër”, Mërgim Vojvoda para ndeshjes me “Helvetikët”: Gati për tri pikë!
Sot Kombëtarja e Kosovës mbajti seancën e fundit stërvitore në Hajvali, para nisjes për në Bazel.
Mërgim Vojvoda, mbrojtësi i Como-s foli për kamerat e FFK-së dhe tregoi se ekipi është gati për duelin ndaj Zvicrës, e rëndësishme për kualifikim për Kupën e Botës 2026, shkruan Indeksonline
“Atmosfera është shumë e mirë. E dimë se na presin dy ndeshje të vështira. E dimë sa e vështirë është të luash në Zvicër, por e dimë po ashtu se do të kemi shumë përkrahje nga tifozët. Djemtë janë të gjithë të përgatitur dhe stërvitjet po shkojnë shumë mirë dhe po bëhemi gati të shkojmë atje të marrim 3 pikë.
“Qëllimi ynë është të marrim 6 pikë, por sigurisht se do të jetë e vështirë pasi të dyja ekipet janë favorite, por ndonjëherë më mirë është kështu, sepse nuk është presioni tek ne por te ata. Ne po bëhemi gati për të fituar tri pikë si në Zvicër, ashtu edhe në shtëpi kundër Suedisë dhe shpresoj se ashtu do të jetë”, tha Vojvoda.
Ekspedita e Dardanëve do të udhëtojë nesër paradite drejt Bazelit, aty ku do të zhvillojë edhe një stërvitje dhe më pas më 5 shtator do të përballet me Zvicrën në stadiumin “St. Jakob-Park
FSK po realizon ushtrimin fushor ” Ujku shigjetē”
Forca e Sigurisë së Kosovës është duke realizuar ushtrimin fushorë “Ujku Shigjetë”, në kuadër të parapërgatitjeve për validimin e Regjimentit të Tretë të Forcave Tokësore.
Ky ushtrim ka për qëllim testimin dhe ngritjen e kapaciteteve operacionale të pjesëtarëve të FSK-së, të cilët po dëshmojnë disiplinë, profesionalizëm dhe përkushtim në përmbushjen e misionit dhe detyrave të tyre.
Me këtë ushtrim, FSK afirmon gatishmërinë dhe aftësinë për të përmbushur misionin e një force profesionale në shërbim të vendit dhe qytetarëve.