Radio Dodona

KQZ: Vazhdon periudha e aplikimit online për akreditimin e vëzhguesve

Radio Dodona Sht 16, 2025 Pa Komente

Komisioni Qendror i Zgjedhjeve njofton se po vazhdon periudha e aplikimit online për akreditimin e vëzhguesve dhe përfaqësuesve të mediave për monitorimin e Zgjedhjeve Lokale për Kryetarë të Komunave dhe për Kuvendet Komunale, që do të mbahen më 12 tetor 2025.

Kërkesat për akreditim duhet të dorëzohen online brenda afateve të përcaktuara si më poshtë:

· deri më 17 shtator 2025 është afati për dorëzimin e kërkesave për akreditimin e vëzhguesve të subjekteve politike, të certitifikuara për pjesëmarrje në Zgjedhjet Lokale,

· deri më 27 shtator 2025 është afati për dorëzimin e kërkesave për akreditimin e vëzhguesve të OJQ-ve vendore, organizatave qeveritare dhe ndërqeveritare, organizatave ndërkombëtare si dhe përfaqësuesve të vendeve të huaja, dhe

· deri më 7 tetor 2025 është afati për dorëzimin e kërkesave për akreditimin e mediave vendore dhe ndërkmbëtare.

Si bëhet aplikimi për akreditim?

Më gjerësisht: https://kqz-ks.org/thirrje-per-aplikim-online-per-akreditimin-e-vezhguesve-dhe-mediave-per-zgjedhjet-lokale-2025/

Veteranët ia përcjellin Kroacisë shqetësimet për Specialen

Radio Dodona Sht 16, 2025 Pa Komente

Përfaqësues të OVL-UÇK’së janë takuar me ambasadoren e Kroacisë në Kosovë, Danijela Barishiq.

Në komunikatën e OVL’së thuhet se në takim kanë adresuar shqetësimet e tyre lidhur me Specialen dhe trajtimin e ish-udhëheqësve të UÇK-së.

Komunikata:

Sot, në vazhdën e angazhimeve tona për të adresuar padrejtësitë që po ndodhin në Gjykatën Speciale, zhvilluam një takim me Ambasadoren e Kroacisë në Kosovë, znj. Danijela Barišić.

Me respekt dhe vëmendje u dëgjuan shqetësimet tona lidhur me trajtimin e ish-udhëheqësve të UÇK-së, ndërsa u dakorduam që këto shqetësime të përcillen edhe tek institucionet shtetërore të Kroacisë, si shtet mik dhe partner i rëndësishëm i Kosovës.

Gjithashtu shprehëm mirënjohjen tonë për shtetin kroat, i cili në kohët më të vështira qëndroi pranë popullit të Kosovës dhe mbështeti luftën tonë për liri.”

Rubin: U përgatita prej vitesh për këtë gjykim

Radio Dodona Sht 16, 2025 Pa Komente

Ish-ndihmëssekretari amerikan i Shtetit, James Rubin, i cili po dëshmon në rastin e ish-presidentit Hashim Thaçi dhe ish-krerëve të tjerë të UÇK-së në Gjykatën Speciale në Hagë, tha se është përgatitur prej vitesh për këtë moment.Një prokuror, e pyeti për takimet e tij me mbrojtjen e Thaçit dhe i kujtoi se ka thënë se është përgatitur “me qindra orë” për të qenë dëshmitar në këtë rast.

“A mund të na thoni çfarë keni bërë në këto qindra orë, dëshmitar?”, e pyeti prokurori.Rubin, tha ndër tjerash, se ka marrë lejen e Departamentit amerikan të Shtetit për të dëshmuar në mbrojtje të Thaçit.

Valtonen: Shpresojmë që të ketë zgjidhje të bllokadës së Kuvendit dhe qeverisë në Kosovë

Radio Dodona Sht 16, 2025 Pa Komente

Kryesuesja e OSBE-së, ministrja e Punëve të Jashtme e Finlandës, Elina Valtonen tha në Prishtinë se shpreson që të ketë zgjidhje sa i përket bllokadës së Kuvendit dhe qeverisë në Kosovë.

Ajo këtë deklaratë e bëri në konferencën për media, pas takimit me presidenten Vjosa Osmani.

“Shënuam një arritje shumë të rëndësishme 25 vjet angazhim. Në këtë drejtim mirëpres zgjedhjen e kryetarit të ri të Kuvendit të Kosovës dhe shpresoj që procesi i Kuvendit të veprojë në bazë të Kushtetutës. Pata mundësinë që të angazhohem me presidenten Vjosa Osmani dhe përfaqësueset e shoqërisë civile. Pata diskutime të frytshme me presidenten Vjosa Osmani. Përforcimi i marrëdhënieve në mes komuniteteve mbetet esencial. Diskutuam potencialin e dialogut të ndërmjetësuar nga BE-ja me emërimin e përfaqësueses së re Prishtinë – Beograd. OSBE mbetet e gatshme të mbështes këto përpjekje.

Në takimin tim me shoqërinë civile mora reagime të ndryshme se si OSBE mund të përforcojë qeverisjen e mirë. U takova me pjesëtarët e akademisë për gratë e reja. Këto gra janë pjesë të rrjetit të diplomuar që nga ai vit në promovim të dialogut dhe paqes. Përmes rrjetit të OSBE-së, që e ka me operacione fushore shpresojmë të vëmë në praktikë dhe të përmirësojmë jetën e njerëzve. Përgjigja që mora nga palët së bashku me procesin e prekshëm vërtet më ushqen optimizmin që të vazhdojmë të kthejmë përpjekjet tona që të gjithë i synojmë”, tha Valtonen