Hetuesit e Stacionit Policor në Vushtrri, në vazhdën e veprimeve operative dhe hetimore, kanë arritur ta identifikojnë dhe arrestojnë një person të dyshuar për kryerjen e veprës penale “Vjedhje”.
Nga provat dhe informacionet e siguruara gjatë hetimit, dyshohet se i dyshuari gjatë muajit nëntor, në intervale të ndryshme kohore, në dy raste ka kryer vjedhje të sasisë së naftës, ku i dyshuari kishte vjedhur naftë nga gjeneratori i ankuesit.
I dyshuari është shoqëruar në stacion policor dhe pas intervistimit, me aktvendim të prokurorit kompetent, ndaj tij është caktuar masa e ndalimit policor për 48 orë.