Një aksident i rëndë ka ndodhur në afërsi të Rrëshenit, në aksin rrugor Milot-Kalimash.
Kamioni është përplasur me një makinë, duke i marrë jetën një personi dhe plagosur disa të tjerë.
Policia ka mbërritur në vendin e ngjarjes, teksa qarkullimi është bllokuar për momentin, raporton Top Channel.
Rreth orës 19:45, në “Rrugën e Kombit”, në fshatin Qafë Mollë, Mirditë, janë përplasur tre automjete (dy kamionë dhe një autoveturë).
Si pasojë e aksidentit ka humbur jetën drejtuesi i automjetit, shtetasi E. B., rreth 24 vjeç.
Drejtuesi i njërit prej kamionëve, shtetasi V. G., është shoqëruar në Komisariat për veprime të mëtejshme procedurale.
Grupi hetimor ndodhet në vendngjarje dhe po kryen veprimet hetimore për sqarimin e plotë të rrethanave të aksidentit.