Kryetari i Lidhjes Demokratike të Kosovës Lumir Abdixhiku nga tubimi përmbyllës i kryeqytetit, në fjalimin e tij tha se të dielën, më 9 nëntor, Prishtina flet sërish për të vazhduar me LDK-në dhe Përparim Ramën.
Sipas tij, kur LDK-ja punon, qyteti ecë, zhvillohet dhe përparon.
‘’Të dielën, më 9 nëntor, Prishtina flet sërish. Dhe këtë herë, ajo flet me vendosmëri, me krenari, me vullnet të hekurt: Prishtina do të vazhdojë me LDK-në, Prishtina do të vazhdojë me Përparim Ramën. Prishtina do të vazhdojë rrugën e punës, të dinjitetit dhe të qytetarisë’’, deklaroi Abdixhiku.