Një incident ka ndodhur sot në afërsi të objektit të Radio Televizionit të Kosovës (RTK), ku një pemë është rrëzuar papritur duke rënë mbi automjetet e parkuara aty.
Në foton shihen pemët e rrëzuara të cilat e kanë bllokuar tërësisht rrugën. Ndërsa veturat kanë mbetur të bllokuara nën pemë.
Po ashtu shihen qytetarë të shumtë të cilët po e vështrojnë nga afër këtë situatë, teksa u është bllokuar kjo rrugë për kalim.
Teksa nuk dihen shkaqet e rrëzimit të pemës, nuk raportohet për persona të lënduar. Ndërkaq nuk dihet dhe për dëmet materiale të shkaktuara nga rrëzimi i pemës.