Deputeti i Lëvizjes Vetëvendosje, Mefail Bajqinovci, ka qenë i ftuar në studion e emisionit “Politiko” me Kushtrim Sadikun, ku ndër të tjera ka folur edhe për bllokadën e radhës së krijuar në Kuvendin e Kosovës.
Bajqinovci ka thënë se Kuvendi i Kosovës është konstituuar.
Ai ka thënë se nëse Gjykata Kushtetuese eventualisht thotë se duhet të ketë masë të përkohshme ose vendim tjetër, ai thotë se do ta respektojnë.
“Ne e kemi zgjedhur kryetarin e kuvendit i kemi zgjedhur tre nënkryetar dhe kur kemi ardhur te pika për kandidaturën për nënkryetarin e komunitetit serb i kemi ezauruar të gjithë deputetët nga komuniteti serb dhe mendoj se Kuvendi i Republikës së Kosovë është konstituuar dhe duhet të vazhdojë punën”, ka thënë Bajqinovci.