Me këtë mesazh, që shpreh dashurinë dhe përkushtimin ndaj atdheut, Gazmend Hoxha ka përmbyllur rrugëtimin e tij në krye të Policisë së Kosovës.
Hoxha ka dhënë dorëheqje morale nga pozita e Drejtorit të Përgjithshëm të Policisë, pas vrasjes së rëndë të Arlinda Zekajt në Vitomiricë të Pejës.
Në letrën e dorëheqjes, ai ka vënë në pah përgjegjësinë institucionale, sfidat e përballuara dhe rezultatet e arritura gjatë udhëheqjes së Policisë së Kosovës, duke theksuar përkushtimin ndaj shtetit dhe qytetarëve.