Koreja e Jugut ka inauguruar bazën e parë ushtarake të dedikuar për zhvillimin dhe trajnimin e robotëve me inteligjencë artificiale.
Baza, e vendosur në Pangyo, në jug të Seulit, do të shërbejë për trajnimin e robotëve që do të kryejnë detyra të rrezikshme, përfshirë çaktivizimin e eksplozivëve, pastrimin e minave dhe transportimin e pajisjeve në zona të rrezikshme.
Ministria e Mbrojtjes ka bërë të ditur se synimi është rritja e efikasitetit të operacioneve ushtarake dhe zvogëlimi i rrezikut për jetën e ushtarëve.
Koreja e Jugut planifikon të hapë gjithsej pesë qendra të tilla, si pjesë e modernizimit të forcave të saj të armatosura.