Kryeministri i vendit refuzoi të ndalet për t’iu përgjigjur pyetjeve të gazetarëve lidhur me një deklaratë të ministrit për Komunitete dhe Kthim, Nenad Rashiq, i cili tha se për shkak të tij, Albin Kurti kishte vendosur ta bënte transferimin e 24 hektarëve tokë në emër të Manastirit të Deçanit.
Kurti nuk deshi të thotë më shumë, duke përmendur reagimin e zëdhënësit të Qeverisë, Arlind Manxhukës dhe vetë ministrit.
“Ka folur tashmë zëdhënësi ynë, Arlindi, e po ashtu e ka sqaruar edhe ministri”, tha ai.
Lidhur me këtë ka folur edhe vetë Ministri.
Ai ka thënë se i është ngatërruar ky rast me rastin e pranimit të kërkesës për vizitën e patriarkut Porfirije, për krishtlindjet ortodokse të vitit 2023.
‘’Gjatë një paraqitjeje në podkastin e Radio Gorazhdecit, kam deklaruar se gjatë marrjes së vendimit për kthimin e tokës manastirit të Deçanit, kryeministri Kurti më ka thënë: “Këtë e kemi bërë për ty”. Kjo deklaratë imja nuk ishte plotësisht e saktë, pasi e kam ngatërruar këtë fjali me një bisedë që kishte ndodhur më herët, gjatë miratimit të vizitës së patriarkut serb, kur kjo fjali ishte thënë. Gabimi im ka qenë i paqëllimshëm dhe ky ngatërrim i ngjarjeve ka ndodhur për shkak se kanë kaluar disa vjet që nga ajo kohë. Kërkoj falje nëse deklarata ime ka krijuar konfuzion’’, është shprehur Rashiq.
Menjëherë pas deklaratës së Rashiqit pati shumë reagime publike