Nën organizimin e Bashkësisë Islame të Kosovës dhe të udhëhequr nga hoxha Blerim ef. Musliu, 60 umrexhinj nga Kosova, mbrëmë, pas mesnate, përfunduan kryerjen e umres.
Për ata të cilët për herë të parë po shihnin Qabenë e bekuar, ndjenjat e tyre ishin të pa përshkruara. Ajo, me bukurinë dhe shkëlqimin e saj shndëritke dhe linte nën hije ndriçimin e qindra dritave prej neoni. Gjuha e tyre nuk e thoshte dot atë që ndiente. Pranë saj, loti përzihej me lutjen, heshtja me mallin dhe mirënjohja me falënderimin ndaj Allahut.
Lusim Zotin e Madhëruar që t’ua ketë pranuar umren dhe gjitha ibadetet e tjera!